Gin-confirm ni Kapitan Leonardo Loquinario sang Barangay Dancalan banwa sang Ilog sa interview sang DYHB, nga gin lockdown ang Purok Cinco sang ila nga barangay matapos nga gin deklara sang Municipal Health Office nga may yara sang isa ka pasyente nga naga edad 77 anyos nga asawa sang anay isa ka konsehal sang banwa nga nakitaan sang sintoma sang corona virus matapos gin-atake sang hapo kag gin-admit sa isa ka pribado nga ospital sa syudad sang Kabankalan kag ginkabig nga isa ka person under investigation (PUI).
Suno kay Kapitan Loquinario, may mga kabataan ang pasyente halin sa syudad sang Bacolod nga nagbakasyon sa ila nga lugar samtang ginapaidalum sa ECQ ang probinsya rasun nga gin-deklara sang Municipal Health Office sang banwa nga ipaidalum sa lockdown. Ang lugar nga ginpaidalum sa lockdown ang ginabug-usan sang walo (8) ka panimalay kag ini sila ang iga- home quarantine.
Sa karon ginahulat pa ang resulta sang test angut sa pasyente nga nalitaan sang sintoma sang virus.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
