Gimandoan ni Cagayan de Oro City Police Office o COCPO Director Police Col. Henry Dampal ang tanang Police Key officials sa Cagayan de Oro nga i-istrikto ang pagpatuman sa mga Non Pharmaceutical Interventions samtang nagpadayon ang administrasyon ni Mayor Oscar Moreno sa kampanya batok sa Corona virus disease o COVID-19.
Matud ni Police Major Evan Vinas, spokesman sa COCPO nga ang mando ni Dampal sa tanang police officials ning syudad, subay sa bag-ong mando ni Presidente Rodrigo Duterte samtang ang Cagayan de Oro ubos pa gihapon sa Modified General Community Quarantine.
Lakip sa mando ni Dampal nga ipatuman sa husto ang social Distancing, paggamit sa Face Mask, Curfew hour ug uban pang non pharmaceutical Intervention aron pagsiguro nga dili na magtakod takod ang Covid 19.
-o0o-
