General Santos City— Pakyas nga mahisgutan sa hawanan sa konseho ang sunod-sunod nga insidente sa pagpamusil-patay sa dakbayan.
Kini human nga wala makatambong si GenSan City Councilor Atty. Jeng Gacal ang Chairman sa Peace and safety sa konseho.
Kahibaluan nga una ng gipatawag ni kagawad Gacal ang kapulisan sa pagpanguna ni Police Senior Superintendent Romeo Ruel Berango, OIC City Director sa GenSan City Police Office aron sa paghatag ug eksplinasyon sa mga opisyal kabahin sa nagakahitabong patay sa dakbayan.
Nangandam man usab ang kapulisan pinaagi sa pagdala sa ilahang datus kung asa si Police Superintendent Roel Sermese, deputy city director for operation ang gipadala uban ang tanang mga Chief of Police sa dakbayan.
Gilauman man usab ni Superintendent Sermese nga sunod semana, ilaha ng ma-presenta sa hawanan sa konseho ang datus sa mga patay sa syudad kung asa ang mga gitudlong responsible mao ang riding in tandem.
