Gin kakibot ko mga tawo sa sueod it Kalibo International Airport do gin himo it sangka Italian national dahil sa anang bomb joke sa prente ko mga empleyado it Air Asia.
Ro nasambit nga insidente hay natabo kahapon it hapon matapos nakipag-diskurso do parokyano nga si Christiano de Angelis, 40-anyos, Italian national sa empleyado it nasambit nga airline company.
Base sa report it Aviation Police, gina usuyan it medical certificate si Angelis nga paagto sa South Korea pero gin kaugot nana daya rason nga gin paagi nana sa bomb joke ro anang kaakig pero uwa daya gin palagpas it management dahil sa may batas nga naga bawae sa anang gin ubra.
Ro suspek hay insigida man nga nagpangayo it pasensya pero uwa raya gin batuna it Aviation Police nga nagdakop kana ag imaw hay gin sampahan eagi it kaso nga pag bayolar sa Presidential Decree No. 1727 o “Anti Bomb Joke Law.”
Samtang ro Italian National hay gin inquest eagi kahapon it hapon sa Provincial Prosecutors Office.
