Gironda sa personahi sa Criminal Investigation and Detection Group kon CIDG Bukidnon Provincial Field Office ang tulo ka mga buhatan sa J.A Mining Ventures alas 2 sa hapon kagahapo.
Sa interview sa RMN Malaybalay ngadto kang Police Major Bernardo Edgardo, ang hepe sa CIDG Bukidnon gibutyag niini nga ang mao nga operasyon simultaneous kung asa ilang gisilbi ang tulo ka mga search warrant nga gipagawas ni RTC Judge Undaloc batok sa mao nga buhatan nga nahimutang sa siyudad sa Malaybalay, Valencia ug Maramag.
Matud ni Major Bernardo nga ang mao nga investment company gipanag-iyahan sa usa ka Jovito C. Ampong nga nagsilbi isip president.
Sigun sa CIDG nga atol sa ilang raid, nakakumpiska sila ug mga certificate of investment, computer, ug uban pang paraphernalias nga gigamit sa investment scheme sa J.A mining ventures.
Gidugang ni Maj. Bernardo nga sa tulo ka mga operasyon, ilang nakumpiska ang kantidad nga halos muabot sa tungag milyon ka pesos ug nakasikop sila ug lima ka mga tawo nga maoy nagkuha ug mga investment sa mga tawo.
Gipasabot sa CIDG – Bukidnon nga nakalatid sa Securities and Exchange Commission kon SEC nga wala kini nakarehistro sa ilaha ug nakasupak sa securities and exchange regulations code section 8 ug 12 in relations to section 73.
