Detinado karon sa Police Station 3, Agora ang jeepney driver ug electrician kinsa nadakpan sa gihimong buy bust operation sa PDEA diha sa Zone 8, barangay Bugo mga ala-una kaganihang kadlawon.
Usa sa mga suspek mao si Hector Palamine, 39 anyos, jeepney driver, minyo ug residente sa zone 5, barangay Bugo nga DI listed kinsa napriso na niadtong tuig 2015 sa kasong pagsupak sa R.A 9165 ug nakagawas niadtong Abril 2018.
Kauban ni Palamine si Jhon Michael Llona, 27 anyos, electrician, dunay live-in partner nga taga Zone 8, Bugo ug duna pa kini kauban nga si Philip Villablanca kinsa duna nay giatubang nga kasong pagsupak sa RA 9165.
Napalit sa mga suspek ang usa ka putos sa transparent sachet nga dunay sulod shabu nga dunay timbang 0.2gm ug nagkantidad sa 1 tawsan pesos. Narekober sa posisyon ni Palamine ang one thousand pesos nga marked money ug usa ka unit sa itom nga samsung cellphone nga maoy ilang ginagamit sa illegal drug transactions.
Ang maong operation gisaksihan nilang Brgy Chairman Vic Talinting ug DOJ representative Mrs Erlenda Opeña.
