Plano karon sa lokal nga kagamhanan ning syudad nga palapdan ang Joint Inspection Team kon JIT.
Kini aron mas daghang mga establisemento ang masusi kung adunay nahimong mga kalapasan sa balaod, regulasyon ug reglamento.
Gibutyag ni City Administrator Teddy Sabuga-a Jr. nga ilakip sa JIT ang mga opisyales sa barangay, barangay tanod ug Sangguniang Kabataan isip ‘deputized agents’ tungod kay sila man ang frontliners sa barangay.
Matud ni Sabuga-a nga tipik sa ilang tahas ang pagtaho gilayon ngadto sa mga otoridad kung adunay makit-an nga kalapasan ang usa ka establisemento sa ilang barangay.
Kasagaran niini nga mga violations mao ang pag-operate nga walay business permit; ilegal nga pagtukod og gambalay sa sidewalk; pakyas nga pagsunod sa mga probisyon sa building code o’ kaha fire safety code; road obstruction ug daghan pang uban.
