BACOLOD CITY – Natalana nga pagapatigayunon diri sa ciudad sang Bacolod ang Nationwide Job Fair sang Department of Labor and Employment – DOLE sa maabot nga Independence Day sa June 12.
Ini kasunod nga ang Bacolod City ang nalakip sa mangin venue sang DOLE sa amo nga Job Fair sa bilog nga Pilipinas.
Sa idalum sang Region 6, ang Independence Day Job Fair sang DOLE patigayunon sa 888 Chinatown Square, Bacolod City. May pre-registration naman sa maabot nga Hunyo 6-8.
Angut sini, gina remind ni Labor Secretary Silvestre Bello III ang mga aplikante nga dapat ihanda na ang mga application requirements agud wala na sang mangin problema pa.
Kalakip sa dokumento nga dapat ipreparar sang mga job seekers amo ang resume, magdala sang extra nga kopya para mas madamo ang mahatagan sang application, 2×2 ID pictures, certificate of employment sa mga naka-agi na tabaho, diploma ukon transcript of records kag authenticated nga birth certificate./dyHB BACOLOD
