Gipang impound na sulod sa Davao City Police Office ang 81 ka mga sakyanan sama sa motorsiklo, payong-payong nga mga trisikel ug mga 4 wheeled vehicles human kini naharang sa gilusad nga ‘Joint Oplan Bitag Sasakyan’ sa hiniusang pwersa sa law enforcement and security forces agencies o units sa Davao City.
Kapin 300 ka mga violators ang gipangisyuhan og mga TOP’s atol sa mga inspeksyon sa may Norteng bahin sa dakbayan partikular na sa Buhangin, Sasa ug Bunawan area.
Sa interview sa DXDC RMN Davao kang DCPO Traffic Group Chief Ernesto Castillo gibutyag niini nga di lang ang pagpanakop sa mga malapasong mga drivers ang ilang gihingusgan apan lakip na ang pagsusi kung duna bay mga nakasakay nga wanted persons sa mga sakyanang gabyahe dinhi sa Syudad.
Samtang naabtan sa among team si Jun Bandilan, nga nisulay pa’g hangyo sa traffic enfocer human kini naisyuhan og TOP tungod sa iyang side mirror atol sa inspeksyon sa may Laverna Subd., C. P. Garcia Highway Buhangin, Davao City.
Wala siya’y problema sa operasyon apan unta mahatagan kuno siya’g gamayng konsiderasyon tungod sa iyang violation.
Kini maoy ikatulong operasyon nga gipangulughan sa Davao City Police Office uban ang DCPO-Traffic Group, Highway Patrol Group, Public Safety and Security Command Center, Land Transportation Office XI, Land Transportation Franchising and Regulatory Board XI, Task Force Davao ug City Transport and Traffic Management Office.
Aimee Guinita
