Sambilog sa mga kandidata nga gina abangan sa Miss World Philippines 2017 hay ro pambato it Aklan nga si Jona Ili Sweett nga halin sa banwang Numancia ag Libacao.
Kaangot kara naga pangayo it suporta ro candidate number 6 nga si Sweett sa mga kababayang Aklanon nga suportahan imaw sa raya nga kumpitisyon.
Sa press conference it Miss World Candidate sa Caticlan, Malay ko nagtaliwan nga gabii, bugae nana kara nga ging paabot sa mga kaparehong kandidata ro kanami it Aklan ag ro gina pabugae nga isla it Boracay kung siin sanda nagpatigayon it ibat-ibang island activity.
Si Jona hay dati eon nga nagdaog it sambilog sa mga title it Miss Earth Philippines ag imaw man do nagdaog it Miss Paraw Regatta sa Iloilo ag sa ana kara nga ging eskwelahan sa Garcia College of Technology.
Ro Miss World Philippines hay pagahiwaton sa MOA Arena sa Pasay City sa September 3 ag iga-air man sa Kapuso network mga alas-7 it gabii.
