Gihupay ni Mayor Oscar Moreno ang kahadlok ug kabalaka sa katawhan niining local transmission sa Coronavirus Disease o COVID-19 nga nahitabo sa dugang tulo ka miyembro sa pamilya ni Covid patient 6783 nga taga Sityo Pinikitan, Barangay Camaman-an nga polos nagpositibo sa makamatay nga sakit.
Matud ni Mayor Moreno nga bisan pa sa clustering sa local covid transmission ni patient 6783 kining tanan dili pa angay ikataranta.
Kay matud ni Moreno nga gihimo ang tanan sa iyang administrasyon sama sa contact tracing, active health surveillance ug ang pag-gamit sa face mask, social distancing ug uban pang non-pharmaceutical relief aron pagsumpo sa maong virus.
Gipasabot sa mayor nga angayan lang mahadlok ug mabalaka ang publiko kon walay gihimo ang gobyerno pagsumpo sa Covid pandemic.
