Davao City – Limitado gihapon ang lihok sa katawhan sa higayon anaa na sa General Community Quarantine (GCQ) ang Davao City.
Gibutyag ni Davao City Mayor Sara Duterte, sa GCQ mamahimong makagawas ang mga tao aron makapalit og pagkaon, tambal, moadto sa doktor, hospital ug kadtong mga sektor nga motrabaho.
“Movement for leisure, dili na pwede. Mobisita og beach. Mobisita og trato. Moadto og basketbolan para mag basketball. Muadto og silingan para modula og mahjong. Muadto og silingan para makig chismis. Mao na sila ang uban sa mga examples sa atong leisure,”
Ilawom sa Department of Trade and Industry (DTI) Memorandum Circular 20-22, ang mga industriyang dili tugotang maka-operate atoll ilawom sa GCQ, mao ang Gyms o Fitness Studios and sports facilities, Entertainment industries sama sa sinehan, karaoke bars, comedy bars, pubs, nightclubs, mga imnanan ug uban pa.
Kid amusement industries sama sa playgrounds, toy stores, playrooms ug mga rides, libraries, archives, museums, cultural centers art galleries, botanical ug zoological gardens. Tourist destinations, travel agencies, tour operators, reservation service and related activities.
Dili usab mamahimong maka-operate ang mga pasugalan, personal care services: massage parlors, sauna, facial care, waxing ug uban pa, ingon man ang tanang kalingawang adunay mass gathering.
RadyoMan Aimee Guinita
