Davao City – Mireklamo sa Toril PNP ang usa ka kabit tungod kay gisulong sa pinakaslang asawa sa iyang kapuyo.
Sa blotter sa Toril PNP, mipatala si alyas Jane, 23 anyos, nagpuyo sa Manggahan, Crossing Bayabas Toril, human gisulong sa asawa sa iyang kapuyo nga si alyas Vangie, 40 anyos, nagpuyo usab sa nahisgutang lugar.
Gibutyag ni alyas Jane nga kalit lamang mipaka ang atop sa ilang gipuy-an ug sa iyang pagsusi maoy iyang nakita si alyas Vangie nga namato alas 10:00 ang takna sa kagabhion.
Gidugang ni alyas Jane nga nagbilin og bahad si alyas Vangie nga nagkanayong magbantay kini kung magkita sila pag usab didto sa ubos.
Gumikan sa kahadlok nagpatabang si alyas Jane sa kapulisan ilabina nga wala niadtong tungura ang iyang kapuyo kay atoa pa kini sa trabahoan.
Gitambagan sa mga pulis si alyas Jane nga mudangop sa barangay aron didto niya ireklamo sa alyas Vangie.
RadyoMaN Erin Lumosbog
