Ni Jay-ar M. Arante, RM-DYKR Kalibo
Mismong si Mayor Ciceron Cawaling it Malay ro nagpanguna sa pagselebrar ko andang kadaeag-an sa paghakot it basura sa Boracay.
Pamaagi sa boodlefight ging kalipay nanda nga haabot ro ultimatum nga ging tao kanda it DENR nga kinahang-ean mahakot do basura bago ro Hulyo 17 patabok sa Malay Sanitary landfill.
Daya nga kasadya hay ging tambungan it mga tawong sa likod ko andang kadaeag-an eabi eon gid it mga taga Solid Waste Management ko nasambit nga banwa.
Ro boodlefight hay una mismo ging himo sa MRF it Manoc-manoc nga kung dati hay bukid-bukid ro basura pero sa makaron hay tapan eon do eogta ag malimpyo eon do lugar.
Ro nasambit nga ultimatum hay sugo mismo ni DENR Sec Roy Cimatu nga kung sa siin dapat tanan nga basura nga nakatambak sa mga MRF sa Boracay hay mabuoe eon bago rong adlaw nga ana nga ging taeana.
Sa pihak kara nagpasaeamat man si Mayor Cawaling sa mga tawo nga nagpartisipar para maabot do anda nga target eabi eon gid sa mga haulers, operators, drivers ag iba pa pa nga una man nag-intra sa nasambit nga kinasadya.
