Nakighiusa ang Lalawigan sa Misamis Oriental pinaagi ni Gobernador Bambi Emano sa katawhang Pilipinhon sa pagsaulog sa kadaugan ni Senador Emmanuel “Manny” Pacquiao.
Kini tungod sa malampusong pagdepensa sa iyang WBA welterweight belt batok sa batan-ong Amerikanong Challenger nga si Adrien Broner.
Gipakita sa 40 anyos nga “Filipino boxing icon” ang iyang abilidad sa dihang walay puas nga gi dominar ang matag round sa kombate nga miresulta sa pagsarasay ni Broner sa ika pito nga hugna sa tibook 12 ka rounds nga binukbokay.
Gidayeg ug gipasalamatan ni Governor Emano si Senador Pacquiao tungod sa paghatag ug laing kadungganan alang sa mga kaliwat tabunon ug paghiusa sa mga Pilipino sa tibook kalibutan alang sa walay kinutubang diwa sa pagpalambu sa paugnat sa kusog.
