Davao City – Tumang kalipay ang gibati sa mga taga Mati, Davao Oriental human nga nasungkit sa Mati National Comprehensive High School ang grand champion sa Indak-indak sa Kadayawan 2018 open category niadtong adlawng Sabado, August 18, 2018.
Sa pakighinabi kang Ian Apitong, head choreographer sa nasangpit nga grupo, 15 ka adlaw ra nila gipraktisan ang ilang presentasyon.
Kahinumduman nga niadtong miaging tuig, nagchampion ang Sagayen National High School sa Asuncion, Davao del Norte nga gigunitan gihapon ni Apitong ug karong tuiga, anaa sa 2nd place ug best music ang representante sa maong lugar nga mao ang Asuncion National High School Performing Arts Guild alang sa open category.
Samtang giila usab ang laing winners sa Indak-indak sa Kadayawan 2018 open category:
3rd place- Bambad National High School Performing Arts Guild – Isulan, Sultan Kudarat
4th place- Ruth Manion Babao Memorial National High School – Parang Maguindanao
Wala usab nagpaiwit ang Davao City School Based Category Indak-indak sa Kadayawan winners:
Grand Champion ug best music ang Davao City National High School Special Program In The Arts- Sining Sayon Dawet Cultural Ensemble
2nd place – Mabini National High School
3rd place – Sta. Ana National High School Performing Arts Guild
4th place – Kawangis Performing Arts Guild of Catalunan Peq. National High School
Ang grand winners sa matag category miuli og tag 500,000 pesos cash prize ug nagpasundayag pag usab sa ilang presentasyon atol sa Pamulak sa Kadayawan kagahapong adlawa, August 19, 2018.
RadyoMaN Renz Barbarona
