Gihingusgan sa Department of Health, Northern Mindanao ang “Kalasag ng Kalusugan Karavan” usa sa mga kampanya niini aron ipahibalo sa katawhan kung unsa ka-importante ang ‘Bakuna’ sa panglawas sa tawo.
Kini isip pagpangandam sa “Back to Bakuna” nga programa sa D-o-H nga ipahigayon sa mga pampublikong tunghaan sugod sa bulan sa Hulyo hangtud Septiyembre ning tuiga.
Alayon niini, nagkahiusa ang mga ‘health workers, magtutudlo ug mga trabahante sa lokal nga kagamhanan aron tabangan ang D-o-H sa pagpasabot sa komunidad nga ang Bakuna maoy magsilbi nga ‘shield’ o panagang sa tawo batok sa bisan unsang klase sa sakit.
Tumong sa maong kampanya nga tugotan sa mga ginikanan ang ilang mga anak nga mabakunahan aron protektado kini gamit ang bakuna sa tipdas, tetanus ug human papillomavirus.
Matud ni Ms. Karen Yee-Garces, ang Regional Immunization Program Coordinator sa D-o-H 10 nga dili lang igo ang pagpanglimpyo sa lawas busa kinahanglan ang pagpabakuna.
