Indi eon kinahangean pa nga mag agto sa siyudad it Iloilo ro mga naga negosyo it mga processed food ag naga baligya it mga karne sa banwa it Kalibo.
Daya do manami nga balita nga ging paabot it Sangguniang Bayan kung Kalibo sa session kahapon bangod nga magiging double A standard eon do Slaughterhouse it nasambit nga banwa.
Nasayuran nga may una nga negosasyon si Mayor William Lachica para sa Public-Private Partnership para sa munisipyo it Kalibo kung siin gina abisuhan man do tanan nga miyembro it konseho it daya nga completion it detailed negotiation ko Unsolicited Proposal ko Philippine Slaughterhouse Management and Operations Inc.
Suno man Vice Mayor Madeline Regalado nalipay makaron do mga negosyante sa Kalibo bangod nga indi eon sanda kinahangean pa nga mag agto sa Iloilo ag mag gastos it mahae para eamang igto mag bakae it karne.
