Godod, ZDN-Kasong Paglapas sa R.A 10591 kun Comprehensive Law On Firearms And Ammunition ang atubangon ni Edwin Quico, 55 anyos usa kini ka trabahante gobyerno didto sa Godod Municipality.
Matod pa usa ka nagpakabanang lungsuranon ang mitaho sa kapulisan nga kung diin kini si Edwin armado kini sa kalibre .45 nga suksok sa iyang kilid.
Dali kini nga girespondehan sa kapulisan ug positibo nga adunay armas, hinungdan gipangayon kini ug dokumento apan walay mapakita nga papeles.
Sa walay langan gilayon kining gisikop sa kapulisan didto sa sulod mismo sa Godod Auditorium and Sports Arena (GASA).
Nakuha ang kalibre 45, adunay SN EAK040211 lakip ang pito (7) ka mga buhing bala. Karong adlawa lauman nga mapasaka na ang kaso ngadto sa piskalya.
Facebook Comments
