Cauayan City, Isabela- Arestado ng mga otoridad ang isang lalaki sa kanilang isinagawang drug buybust operation sa Barrera Corner Roque St, P5, Centro West, Santiago City.
Sa nakuhang impormasyon ng 98.5 iFM Cauayan kay P/Maj. Reynaldo Maggay, Commander ng Station 1 ng Santiago City Police Office (SCPO), ang suspek ay nakilalang si Edison Sambrano Salvador alyas Halimaw, 37-anyos, may-asawa at residente ng P-2, Sagana ng nasabing Lungsod.
Narekober sa kanyang pag-iingat ang isang pakete ng pinaniniwalaang shabu at marked money na ginamit ng pulis na nagpanggap na poseur buyer.
Namataan si alyas Salvador dahil sa kakaibang ikinikilos nito na nagbebenta ng ipinagbabawal na gamot kaya’t agad na ikinasa ang drug buy bust operation na nagresulta sa pagkakahuli nito.
Napag-alaman na si Salvador ay isang ‘Tokhang Responder’.
Nahaharap ngayon sa kasong paglabag sa R.A 9165 o Comprehensive Dangerous Drugs Act of 2002 si Salvador.
