BACOLOD CITY – Indi related sa illegal nga druga ang motibo sa pagpatay sa pakaisa ni Ramy Poja kahapon sang aga sa dalan Araneta-San Sebastian, ciudad sang Bacolod.
Ini ang ginklaro sang Spokesperson sang Bacolod City Police Office nga si Police C/Insp. Sherlock Gabana angut sa natabo kahapon nga pagtiro patay sa biktima nga si Salvador Poja Jr., 33 anyos ang edad, pumuluyo sang Sitio Sibucao, Barangay Banago, Bacolod City, kag nagatrabaho bilang Credit Investigator sang Emcor.
Suno kay Gabana nga halos 60 percent na ang ila imbestigasyon sa kaso samtang yara naman sa 80 porsiento ang sa bahin sang motibo sa pagpatay sa biktima.
Base sa imbestigasyon, indi related sa illegal drugs ang motibo sa krimen kundi posible work related ukon personal nga bagay.
Ginpahayag ni Gabana nga sa karon wala pa na identify ang suspek kag indi pa man nila ma divulge ang kaundan sang ila imbestigasyon.
Nahibaluan nga si Salvador Poja Jr. ang isa man ka zumba instructor kag pakaisa sang ginpatay nga drug personality sa Sitio Sibucao, Brgy. Banago si Ramy Poja./dyHB BACOLOD
