Kamatayon sa 14 anyos-walay foul play

19

General Santos City–Walay nakitang foul play ang Police Station 3 kabahin sa kamatayon sa usa ka 14 anyos nga bata nga si John Paul Panerio, estudyante ug nanimuyo sa Guijo St. Balite, Barangay Lagao, Gensan kansa una nang nadat-ugan ug basketball ring sa may Agan centro, Barangay Lagao niadtong nakalabayng gabie.

Sumala pa ni Police Chief Inspector Peter Pinalgan Jr., ang hepe sa Police Station 3 nga basi sa ilang inisyal nga imbistigasyon nasuta nga pauli na unta sa ilang panimalay ang biktima ug ang higala niini nga si Cornelio Delos Santos apan naka-agi sila sa basketball ug didto gikapyutan sa biktima ang net sa basketball ring hinungdang nga na tumba ngadto kaniya.

Nadat-ugan gyud ang ulo sa biktima nga hinungdan sa pag-angkon niini ug grabeng samad nga hinungdan sa iyang kamatayon.

Dugang pagbutyag ni PCI Pinalgan nga giabisuhan pa ni Cornillo ang biktima nga katumbahon ang basketball ring apan uwahi na ang tanan tungod natumba na kini ngadto sa biktima.

Paspas nga nangayo ug tabang si Cornillo sa mga tawo sa palibot aron nga matabang ang iyang amigo. Gidala gilayon kini sa ospital apan human sa pipila ka minutos nakabsan gyud kini sa iyang kinabuhi.(Dave Silagan)

Facebook Comments