Dili epektibo ang gihimo ni Mocha Uson ug sa kauban niining blogger nga si Drew Olivar sa pagkampanya sa Pederalismo.
Kini human makita ug madungog ni Senador Koko Pimentel ang mikalat nga video sa youtube.
Sa interview sa dxCC-RMN Cagayan de Oro, gibutyag ni Senador Pimentel mas nahimo na hinoong negatibo ang Pederalismo sa binastos nga pamaagi nga gihimo ni Uson.
Dugang pa ni Pimentel nga imbes makatabang, nakadaut hinoon kini ug posibleng wala nay moseryoso sa pederalismo tungod sa maong video.
Nalipay ang mga kontra sa Pederalismo sa Senado ug Kongreso human nila makita ang song and dance number ni Mocha Uson sa youtube.
Matud ni Senador Pimentel nga ang mga tawo nga seryoso sa Pederalismo wala nalipay sa gibuhat ni Mocha.
Tungod sa nahitabo nga pagbaboy ni Uson sa cause sa pederalismo, wala na niini gilakip si Uson sa pagkampanya sa Pederalismo.
