Walay Imposibli sa kampanya sa kahusay ug kalinaw kon magtinabangay ang tanang sektor sa katawhan ning syudad sa Cagayan de Oro.
Mao kini ang gibutyag ni City Councilor Romeo Calizo, nga Chairman sa Committee on Police, Fire and Public Safety sa City Council.
Ang pahayag ni Calizo, sigo sa iyang gitawag nga No Independence related Crime Incidents kagahapong adlawa dinhi sa Cagayan de Oro samtang gisaulog sa dakbayan ang ika 120 ka tuig nga kasumaran sa Adlaw sa Kagawasan sa atong nasud.
Matud ni Calizo nga epektibo ang security plan nga gihimo sa Cagayan de Oro City Police Office sa ilang security preparation sa Independence day.
Gipangunahan ni Mayor Oscar Moreno ang Independence day celebration kagahapon uban ang mga city officials.
Wala usab magpa-ulahi ang mga opisyal ug mga personnel sa pulis ug militar lakip ang mga official sa Bureau of fire Protection nga mi-apil sa independence day Celebration.
Sa iyang mensahi, nanawagan si Mayor Moreno sa katawhan ning syudad alang sa panaghiusa aron mapadayon ang kagawasan sa nasud sa Pilipinas sa sunod pang mga henerasyon.
Matud sa Mayor nga dili nato makab-ot ang kagawasan ning atong panahon kon wala pa kini hagoi sa atong mga kanhi opisyal, mga katigulangan ug mga bayani sa atong nasud.
By: RadyoMaN Nitz Arancon
PC: CIO
