Wala nay substitution sa mga kandidato nga mobuluntaryo pag-atras sa ilang kandidatora alang sa eleksyon sa Mayo 13.
Mao kini ang gibutyag ni City Comelec Officer Ramil Acol, sabay sa iyang pag-ingon nga ang deadline sa Comelec alang sa substitution sa mga Candidates nga moboluntaryo pag-atras sa ilang kandidatora niadto rang Disyembre sa milabayng tuig.
Ingon usab niini ang gibutyag ni Atty. Carlito Ravelo, Election officer sa lalawigan sa Camiguin.
Si Ravelo nga kanhi Provincial Comelec sa Misamis Oriental mi-ingon nga kadtong kandidato nga mahimong pulihan sa laing kandidato, kadto lamang namatay ug na-disable.
Apan matud ni Ravelo nga kini ubos sa kondisyon nga kadtong kandidato nga namatay o na-disable, pulihan sa laing kandidato nga pareho silag apilyedo.
