Gipangayo ni kanhi barangay 35 kagawad Ernesto Molina sa Ombudsman, ang dugang lugway nga panahon, sa pag-file sa iyang Position papers, silbing suporta sa iyang kaso nga iyang gipasaka batok ni Governor Bambi Emano, ug kanhi konsihal President Elipe, nga General Manager sa Mis. Or. Integrated Sports Center.
Bandang 10 a.m. kagahapon, si Molina nag-file sa Ombudsman sa iyang motion, for the Extension of time, human ang maong accuser ni Gov. Emano, gihatagan sa napolo ka adlawsa Ombudsman sa pag-submit sa iyang position papers.
Karong adlawa, mo-expire ang napolo ka adlaw nga gihatag sa Ombudsman kang Molina, sa pag-submit sa iyang dugang mga rason, ngano nga si Governor Emano ug Elipe, iyang gipasaka-an sa kasong Administratibo ug kasong Criminal.
Mahinumduman nga gisumbong ni Molina, si governor Emano, tungod sa Issue sa Appointment ni kagawad Elipe sa pagka General Manager sa sports Center
Alang ni Molina, nakayatak si Emano sa bala-od tungod kay si Elipe, una nang gihukman sa Ombudsman nga dili na makahupot sa katungdanan sa gobyerno, human nakit-an sad-an sa kasong dishonesty, niadtong panahon sa iyang pagkakosihal sa Cagayan de Oro, tungod sa Issue sa Falsification of Public Document, human gipirmahan sa maong kanhi konsihal, ang daily time record sa iyang igso-on, nga iyang gipato-o nga Present sa iyang trabaho sa City Council , bisan tu-a kini sa nasud sa China.
Matud ni Molina, nga duna pay dugang document, nga iyang gusto makuha, aron iyang isuporta sa iyang akosasyon batok ni Emano ug Elipe, hinongdan nga iyang gipangayo sa Ombudsman ang dugang napolo kaadlaw, sa iyang pag-pasaka sa iyang Position papers sa anti Anti Graft Investigators
