Pagadian City -Dead on the spot ang usa ka fishport laborer human kini gipusil sa may alas 7 ang takna kagabei dihang dapita sa Purok Bagong Silang, Sta Lucia, Pagadian City doul sa Gate 11 Agora Market.
Naila ang biktima nga si Jovanie Ajo, 28 anyos minyo og rsidente sa Purok Hiniusa, Barangay Lumbia, Pagadian.
Base sa imbestigasyon nasaayran nga samtang pauli na unta ang biktima sakay sa usa ka single motor gikan nitambong og blessing sa panimalay nga gipanag-iyahan sa pamilyang Lastimoso sa Brgy. Dumagoc ning syudad ang kalit kining gipusil sa makaduha ka higayon sa duha ka wala maila nga mga suspetsado gamit ang cal 45 nga pistola nga nagsakay og Kawasaki Rouser.
Nakabaton og samad pinusilan sa iyang lawas ang biktima partikyular sa liog og ulo niini nga maoy hinungdan sa iyang hinanaling kamatayon.
Nasayran sa RMN Pagadian nga kanhi drug surenderee ang biktima.
Sa pagkakaron nagpahigayonog hot pursuit operation ang kapulisan alang sa pag sikop sa mga suspek samtang giimbestigahan pa ang motibo sa maong pagpamusil.
Picture Coustesy to Sir Aude Ampong
