Giangkon ni kanhi Konsehal Doctor Dante Pajo nga adunay nagpaibot og ngipon kaniya nga usa ka senior citizen.
Matud ni Doctor Pajo nga kini nga pasyente nagsubay sa ilang pamilya tungod kay kaila ni sa iyang amahan.
Apan giklaro ni Doctor Pajo nga human niya ibti og ngipon ang pasyente, iya kining giignan nga dili na lang niya pabayron tungod kay suod kini nga higala sa iyang amahan.
Dako na lang ang kakurat ni Doctor Pajo nga midangop sa dxCC- RMN ang pasyente ug mireklamo nga wala siya tagae og discount ug resibo sa iyang bayran nga 600 pesos.
Wala kabalo si Doctor Dante Pajo nga nagbilin og bayad ang usa ka senior citizen nga nagpaibot og ngipon ngadto kaniya niadtong semana.
Matud ni Doktor Pajo, nga imposible usab nga gipaninglan kini sa iyang secretary tungod kay kung unsay iyang instructions mao man ang tumanon.
Dugang pa ni Pajo nga ang iyang standard nga payment alang sa ibot sa ngipon 800 pesos, busa gilibre na niya ang maong senior citizen.
Giklaro usab ni Doctor Pajo nga naay resibo ang iyang clinic ug posibleng wala lang sila nagkasinabtanay sa iyang pasyente.
Samtang ‘’Dili gatan-aw sa tawo kundili sa iyang cellphone. ‘’ kini matud pa ang kinaiya ni Konsehal Doctor Dante Pajo kung moatubang sa iyang pasyente.
Matud ni Tatay nga usa ka senior citizen kinsa nagpaibot og ngipon kang Doctor Pajo nga wala siya igni ni Doctor Pajo nga ilibre na lang ang iyang pagpaibot og ngipon, sama sa tubag niini sa iyang reklamo.
Dugang pa ni Tatay nga ang secretarya mismo ni Doctor Pajo ang nangolekta og bayad ug dili si Pajo.
