Usa ka kanhi propesor sa Xavier University ang gipatay sa wala mailang tawo.
Matud ni Police Supt. Surki Serenas, tigpamaba sa Police Regional Office 10 nga hangtud karon wala pa niduol sa buhatan sa kapulisan ang pamilya sa biktima nga si Gexie Ray Ungab nga taga Poblacion, Tagoloan, Misamis Oriental.
Dugang pa nga nakadawat sa hulga sa kinabuhi ang pamilya sa biktima apan blangko pa ang kapulisan sa nahitabong pagpatay sa biktima.
Nasayran nga nakit-ang patay ang biktima sa Iligan City human nakaangkon sa dinunggaban sa lawas ug igo sa ulo.
Nobyembre 17 pa sa dihang nawala ang biktima apan Biyernes sa nakalabayng semana patay ng nakit-an ang biktima.
Matud sa usa sa mga higala niini nga nananghid ang biktima nga moagto sa Lanao aron motambong sa usa ka party.
