Naghikog patay ang usa ka kanhing sakop sa Philippine Army. Kini human ni gibitay ang iyang kaugalingon sulod mismo sa iyang tindahan nga water refilling station sa Purok 3, Brgy. Poblacion, Gitagum, Misamis Oriental.
Giila ni Police Master Sargeant Mangubat, ang Investigator sa Gitagum Police ang biktima nga 32 anyos nga si Arnold Labis, ulitawo nga nagpuyo ra usab sa susamang dapit.
Nasayran nga kanhing membro sa Philippine Army ang biktima apan nag-AWOL ug naglisud na pagbalik sa serbisyo isip usa ka sundalo. Mao kini ang nakitang hinungdan sa otoridad sa ilang pakisusi sa pamilya kung nganong nagpakamatay ang biktima.
Nahitabo ang insidenti mga 8:30 ang takna sa buntag kagahapon sa area of responsibility sa Gitagum Police.
Facebook Comments
