Kanhing aktibong miyembro sa kalihukan gihulgang hipuson sa NPA

Davao City- Nabutang karon sa kakuyaw ang seguridad sa usa ka kanhi aktibo sa kalihukan human sagunson kini nakadawat og hulga gikan sa NPA panahon nga ibulgar niini sa kapulisan ang mga personalidad sa CPP NPA NDF.

Matud ni Alyas Tessa, HR Assistant sa usa ka kolehiyo sa siyudad nga sukad mi-surrender kini kang kanhi Police Regional Office XI Director Police Lt.General Filmore Escobal sa miaging tuig, sige na kini matawagan sa NPA ug gabahad nga patyon kini kon makuha sa kapulisan ang pangalan sa mga tag-as nga opisyal sa Teroristang CPP NPA NDF nga naglihokan sa kasadpang bahin sa rehiyon.

Gibati og kahadlok si Alyas Tessa nga basin tinud-on ang bahad sa mga sakop sa Communist Terrorist Group nga siya ihawon kon magtug-an kini kinsa ang mga anaa sa kalihokan pa.

Suma ni Tessa nga usa sa iyang gikabalak-an mao nga basin atangan kini ug bughaon sa mga NPA samtang mupaingon pa sa korte o dili ba kaha mubalik sa PRO 11 tungod sa mga kaso nga giatubang niini samtang aktibo pa kini sa kalihokan.

Ang maong pagpanghulga gipatala gilayon ni Alyas Tessa sa Buhangin Police Station aron masuta kon kinsa ang tag-iya sa numero sa selpon nga gigamit sa pagtawag sa kanhi sakop sa NPA.

RadyoMaN Joel Viray