General Santos City—laing lambigit sa druga ang nasikop sa operatiba sa Philippine Drug Enforcement Agency (PDEA) Regional Office -12 ilawom sa supervision ni Director Gil Cesario Castro sa pakig-alayon sa Banga Municipal Anti–Drug Abuse Council (MADAC) atol sa ilang gihimong buy–bust operation sa Purok Masinadiyahon, Bo. 1, Banga, South Cotabato niadotng Domingo.
Sikop si Joseph Benes Atensor, 37 , minyo, kanhing Barangay Kagawad ug resident sa nasampit nga lugar.
Napalitan ang nahisgutan sa usa ka PDEA Agent kansa nagsilbing poseur–buyer gamit ang 1,000.00 nga marked money. Nasayran nga mukabat sa (1) ka gramo sa suspected shabu nga dunay market value nga 5,000.00.
Kasong paglapas sa Section 5 (Sale of Dangerous Drugs), Section 11 (Possession of Illegal Drugs) ug Section 12 (Possession of Drug Paraphernalia) Article II sa Republic Act 9165 (Comprehensive Dangerous Drugs Act of 2002) ang ipasang-at nga kaso sa PDEA batok sa suspetsado.
