General Santos City–Subling nasikop sa mga personahe sa Police Station 4 ang kanhi nilang dinakpan sa buybust operation niadtong mga milabay nga tuig nga si Arvin Rosas, 32 anyos, nga nanimuyo sa kidapawan city ug ang kauban nga si Algernon Ruiz, 39 anyos, nga nanimuyo sa Prk. Litan, Barangay Sinawal ning syudad alas 5:00 ang takna sa hapon sa Munda Subdivision Barangay Dadiangas City Heights.
Sumala pa ni Police Capt Davis Dulawan ang labaw sa Police Station 4 nga ang target nga si Arvin ang napalitan matud pa ug usa ka sachet nga shabu ug nakuha sa iyang possession ang duha pa ka sachet sa gikatahapang shabu samtang ang kaubanan usab niini nga si Ruiz ang nakuhaan sa iyahang possession ug duha ka mga sachet sa shabu sulod mismo sa iyahang sling bag.
Dugang pa ni Capt Dulawan nga human makagawas sa bilanguan ang suspect nga si Arvin nakadawat sila ug impormasyon nga subling naglambigit kini sa iligal nga droga kung diin ang mudos matud pa niini ginagamit nila ang tricycle sa iyahang kauban nga si Ruiz sa pagpamaligya ug iligal nga droga hinungdan nga gioperasyonan sa kapulisan.
Samtang gikabutyag usab ni Dulawan nga gikan sa gawas sa syudad ang mga item nga ginabaligya sa mga suspect.
Kasong pagsupak sa RA 9165, ilawom sa sec 5 ug 11 sa art. II ang giandam karon sa kapulisan batok sa mga nasampit.(Dave Silagan)
