General Santos City— Dako ang kalipay ni Brgy. Labangal Kapitan Lorelie Pacquiao human maangkong ang 26 ka boto gikan sa 26 ka mga kapitan sa dakbayan aron mahimong ABC Presidente sa dakbayan.
Sumala niya nga iyaha gyud nga nakit-an ang suporta kaniya sa 25 ka mga kapitan sa dakbayan. Kung asa kini matud pa ang unang higayon nga adunay mipapili isip presidente sa liga nga nakakuha ug kompletong boto gikan sa mga kaubanang kapitan.
Dugang pamahayag ni Kapitan Pacquiao nga sa karon iyaha unang pulungon ang iyahang mga kaubanang kapitan aron masayran kung unsa ang unang tutukan nga problema sa matag barangay.
Paniguro niini nga iyaha gyud nga sayron kung unsa ang mga problema sa mga barangay aron nga mapaabot usab sa konseho.
Gipasalamatan man usab niini ang tanang kapitan nga mihataga sa ilahang suporta ug gipaniguro nga iyahang himuon ang tanan aron nga mahatagan ug solusyon ang mga problema sa matag barangay uban ang miyembro sa konseho.
Gibutyag ma usab niini nga sa karon wala pa siyaāy plano nga mupapili isip opisyal liga sa barangay sa rehiyon o bisan na sa nasyunal.
Kini gumikan, mas maayo matud pa nga tutukan una ang mga problema sa mga barangay sa dakbayan. (Lore Romualdo)
