Mokabat sa kapin 1.3 Million Pesos ang damyos sa sunog sa Mulmac, Barangay Macabalan ning syudad mga alas 3:20 kagahapon sa hapon.
Mga alas 4:30 sa hapon na under control ug alas 5:05 na fire out.
Niabot sa Task Force Alpha ang sunog kung asa tanan firetrucks ang niresponde sa sunog.
Nikabat sa kapin 400 ka indibidwal ang apektado gikan sa kapin usa ka gatus ka pamilya.
Sa karon temporaryong nagpasilong ang mga biktima sa Macabalan Elementary School covered court.
Nasa 59 ka mga balay ang nasunog apil ang ubang bahin sa buhatan sa Bureau of Fisheries and Aquatic Resources Region 10.
Una nang gibutyag ni District Fire Marshall Allan Cabut nga usa ang samaran sa sunog.
Posibli usab nga faulty electrical wiring ang hinungdan sa sunog kung asa nagsugod ang kalayo sa balay ni Emerson Waban.
