Davao City – Gipaniguro karon sa kumpanya sa duha ka mga bus nga nalambigit sa aksidente kagahapong adlawa sa National highway, Barangay Canocotan, Tagum City, Davao del Norte ang pagtabang sa mga biktima sa nahitabong bangga sa duha ka bus.
Subay kini sa opisyal nga pamahayag sa Metro Shuttle Bus Company diin kahinumduman giingong kapin 20 ang samaron sa maong aksidente nga nahitabo alas 3:30 kagahapon sa hapon hinuon wala usab natalang patay.
Sa karon, ginasuta pa sa Tagum PNP ang hinungdan sa maong aksidente diin sa inisyal nga imbestigasyon, aduna matud pay usa ka motor nga kalit lang mitabok sa dalan hinungdan nga wala na control matud pa sa usa ka driver sa bus ang iyang pagmaneho ug mibangga kini sa usa ka bus nga anaa sa managlahi nga direksyon.
RadyoMaN Renz Barbarona
