Naa sa kapin 210-thousand pesos nga balor sa druga ang nakumpiska sa mga otoridad atol sa pagsilbi sa search warrant mga alas 4 kagahapon sa hapon sa Zone 6, Barangay Mulogan, El Salvador City, Misamis Oriental.
Matud sa Hepe sa El Salvador City Police Station nga si Police Lt. Col. Randy Anito nga target sa operasyon si Gilbes Gin Zaballero alias Egit, 29 anyos, minyo, drug listed personality ug residente sa maong lugar.
Nasayran nga atol sa pagsilbi sa Search Warrant kang Zaballero nasapon kining nagbaligya sa druga sa usa pa ka drug listed personality nga si Giovel Greg Dagapioso, 29 anyos, dunay live in partner ug residente gihapon sa maong dapit.
Sa maong operasyon nakasibat ang target nga si Zaballero ug ang nagpalit sa druga nga si Dagapioso lamang ang nasikop.
Nakuha gikan sa posisyon ni Dagapioso ang duha ka gagmayng sachet sa shabu samtang nakuha sa balay sa target suspect nga si Zaballero ang 18 ka dagkong sachet sa shabu, siyam ka gagmayng sachet sa shabu ug mga drug paraphernalias.
Ang drugang nakumpiska nagtimbang sa kapin kon kulang 31.01 grams ug gibana-banang nibalor sa kapin 210-thousand pesos.
Gihimo ang operasyon pinaagi sa hiniusang pwersa sa kapulisan sa El Salvador City Police Station sa pagpanguna sa ilang Hepe nga si Police Lt. Col. Randy Anito, Misamis Oriental Provincial Drug Enforcement Unit sa pagpanguna ni Police Captain Teodoro de Oro ug miyembro sa Regional Special Operation Unit 10
