Kapin sa 32-mil pesos ang nadala sa usa ka tulisan gikan sa LBC Yacapin Branch mga alas 3:30 kagahapon sa hapon.
Gitulis ang LBC sa dihang nag-inusara sa opisina ang empleyadong si Raymark Macabodbod, 23 anyos, ulitawo ug taga Bulao, Barangay Iponan ning syudad.
Matud ni Divisoria Police Station Commander, Police Chief Insp. Julius Clark Prisco Macariola IV nga gisulod sa usa ka lalaking armado sa dili matinong kalibre sa armas ang LBC ug gitionan ang biktimang si Macabodbod.
Nasayran nga ang suspek mismo ang mikuha sa kwarta sulod sa drawer ug daling nisibat human sa insedente.
Facebook Comments
