Nabolabog ang usa ka eskwelahan sa elementarya nga nahimutang sa Barangay Apopong, kagahapong adlawa human gipang-posses ang kapin kon kulang 50 ka mga magtutungha nga pulos grade 6.
Gibutyag usab ni Jane Galan, grade 6 adviser nga nag sugod gyud ang pag posses sa mga bata alas 8:30 ang takna sa buntag dihang usa matud pa ka estudyante ang nakakita ug usa ka tawo nga nag sul-ob ug itom nga senina ug nanghimangno kaniya nga dili na mubalik sa ilang classroom nga anaa sa ikaupat nga andana..
Kalit lang matud pa kining nakuyapan, ug dihang gitabang sa iyang mga classmate, sunod-sunod na silang naposses.
Luyo sa bahad sa gikaingong tawo nga nakaitum, nisaka pa ang mga estudyante sa ilang classroom apan subli gipanaog human nga laing bata ang nagsulti nga siya gisultian sa usa nakaitum nga tawo nga duna silay 2 ka estudyante nga ihagbong sa 4th floor.
Samtang gibutyag ni Dara usa sa mga giposses nga gipakitaan kini ug usa ka batan-ong babaye.
Sumala pa nga naghilak ang nahisgutan ug pulos dugo ang iyang dagway. Wala man nuoy gisulti kaniya ang nasangpit apan sakit matud pa ang pagtutok sa mata niini ngadto kaniya.
