Mokabat sa kapin singko mil ka mga pulis ang ipakatag sa Police Regional Office o PRO 10 sa tibuok Northern Mindanao atol sa paghandum sa adlaw sa mga santos ug kalag o Undas.
Matud ni PRO 10 Spokesperson Surki Sereñas nga kini base sa mando ni PRO 10 Director Police Chief Supt. Timoteo Pacleb.
Gipasabot ni Supt. Sereñas nga ang maong mga pulis magbantay sa kapin 200 ka mga sementeryo sa tibuok rehiyon lakip na sa mga simbahan, transport terminals, public plazas, malls, beach resorts ug uban pang mga lugar nga daghan og tawo.
Gidugang niini nga gimandoan na usab ni Director Pacleb ang kapulisan sa rehiyon nga makig-alayon sa uban pang ahensya sa gobyerno sama sa Department of Public Works and Highways, Land Transportation Office, Department of Transportation and Communications ug volunteer groups aron masiguro ang kaluwasan sa katawhan.
