Kapin 80 ka persona nagkalahilo bangud sa ginkaon nga ginapatihan ube sa syudad sang Sagay

42

Kapin sa 80 ka persona ang ginpatihan na food poison sa ginkaon nga lugaw nga ginlakutan sang ginapatihan ube (isa ka sahi sang root crop) sa syudad sang Sagay.

Suno kay Sagay City Disaster Risk Reduction Management Office (DRRMO) Head Wally Afuang, ila gin rescue ang kapin sa 80 ka indibidwal kaina sang udto halin sa tatlo ka barangay sang nasambit nga syudad matapos nga nagbatyag sang sakit sa tiyan, lingin sang ulo kag pagpalanuka bangud sa ginkaon sang ginapatihan poisonous nga sahi sang ube nga gin lakot sa linugaw.


Suno sa CDRRMO, may yara sang isa ka persona nga nag kali kag nagpanagtag sa iya mga himata sang ginapatihan ube nga naglab-ot sa tatlo ka barangay nga ginlakot naman ini sang mga pumuluyo sa ila ginluto nga lugaw.

Ginpahayag nga isa na ka tradition sa amo nga syudad sa tagsa ka Byernes Santo ang pagluto sang lugaw.

Sa karon yara na sa ospital ang mga biktima kag nadapatan na sang nagakaigo nga pagbulong.

Samtang, padayon naman nga ginahibalo sang otoridad ang amo nga sahi sang ginapatihan ube nga ginkahilo sang mga nagkaon sini.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>




Facebook Comments