Saranagni Province–Dako ang kalipay nga gibati ni James L. Chongbian National Trade School Principal Herman Biamonte sa mga training tools and equipment nga ilahang nadawat gikan sa Deped ug sa Sarangani Province alang sa ilang Senior High School.
Sumala pa niini nga ang maong mga ekepo ang gamiton alang sa ilahang mga estudyante sa ALS kon Alternative Learning System o katong mga out of school youth nga gustong magpailawom sa skills training kung asa wala na silay problemahon pa tungod kay provided na sa deped ug Provincial Government sa Sarangani ang ilahang gikinahanglan sulod sa unom ngadto na sa pito ka bulan nga training hangtud sa ilahang assessment.
Dugang pa niini nga gawas sa mga Out Of School Youth magamit usab kini sa ilahang mga estudyante sa Junior High School nga buot usab magpailawom sa skills training.
Gikabutyag usab ni Sarangani Governor Steve Solon nga gikan sa dep-ed ang budget nga 500 mil ka pesos ug gidugangan usab kini sa Provincial Government ug 495 mil ka pesos aron nga mapalit ang maong mga gamit.
Mamahimo matud pa kini nga dakong tabang alang sa mga estudyante sa james l choingbian national trade school, gawas sa maong mga gamit mag dugang man usab ug lain pang 2milyones ka pesos ang provincial government sa maong eskwelahan alang usab sa pag paayus sa ilahang covered court sa sunod tuig.(Dave Silagan)
