Davao City – Muabot sa kapin P30M ang damyos sa nahitabong dakong sunog sa Digos City Public Market alas-4:48 kaganinang kaadlawon.
Sa pakighinabi sa DXDC 621 RMN Davao kang Major Joycelyn H. Grant sa Bureau of Fire Protection (BFP) Digos City, gibutyag niini nga 40 ka mga establisemento or stalls ang nasunog sa maong palengke diin nagsugod kini sa usa ka bakeshoppe.
Gibutyag ni Grant nga walay casualty sa maong sunog diin gideklara kining fire out alas-8:38 sa kaganinang buntag.
Sa pagkakaron, padayon pang gina-imbestigahon ang hinungdan sa maong dakong insidente sa sunog.
RadyoMaN Kirby Manzon
Facebook Comments
