Davao City – Muabot sa P3,445,000 ang natalang damyos sa mga kabalayan ug establisemento sa Compostela, Davao de Oro asa misentro ang magnitude 6.0 nga linog niadtong Pebrero 1, 2023.
Atol sa press conference, gibutyag ni Engineer Allen Baco, head sa Davao de Oro Provincial Disaster Risk Reduction and Management Office (PDRRMO) nga sa ilang datos, 76 ang nagubang balay sa Compostela, diin 3 niini ang totally damaged.
Sa Montevista, anaa sa 16 ang nadamyos nga balay, 4 niini ang totally damaged. Sa Nabunturan, 1 ka balay ang totally damaged. Nagpadayon usab ang Rapid Damage Assessment and Needs Analysis (RDANA) sa uban pang munisipalidad.
Samtang, sa latest nga datos sa Office of the Civil Defense (OCD) ug National Disaster Risk Reduction and Management Council (NDRRMC), adunay 16 ka injured individuals sa Davao de Oro tungod sa kusog nga linog, apan walay natalang casualty.
RadyoMaN Kirby Manzon
Facebook Comments
