Kapin sa libo ka pamilya nga IDPs gikan Marawi City, nagpabilin sa Barangay Balulang samtang katawhan sa Barangay Balulang ning syudad, dili magmahay sa panerbisyo nga gihatag ni Kapitan Carcosa

Nakita ni Barangay Balulang Kapitan Fred Carcosa ang problema kung nganung na postpone ang sk ug barangay elections karong tuiga.

Matud ni Kapitan Carcosa nga mas maayo unta kung adunay eleksyon karong Oktubre, apan tungod kay nagdesisyon na niini ang senado ug kongreso, igo na lang siya sa pagsunod sa kamanduan.

Nasayran nga sa Barangay Balulang, adunay mga bakwit gikan sa Marawi City nga kapin sa libo ka pamilya ug syete mil ka indibidwal nga naa sa iyang barangay.


Dugang pa ni Kapitan Carcosa nga makita ang mga Internally Displace Person kon IDPs sa area sa Villa Angela, Singapore phase 2, Emily Homes, Camella Homes, Xavier Estates, ug Xavier Heights.

Dili magmahay ang katawhan sa Barangay Balulang ngadto kang Kapitan Fred Carcosa kung hisgutan ang serbisyo sa katawhan.

Matud ni Kapitan Carcosa nga dili man tanan mahatagan og katagbawan, apan gihatag niya sa katawhan ang serbisyo nga alang sa katawhan.

Dugang pa ni Kapitan Carcosa nga kung hisgutan usab ang proyekto, nakita na usab kini ug nahibaw-an sa katawhan.

By: Mishelle Enloran

Facebook Comments