Gibana-banang nasa kapin tunga sa milyon ka pesos o 600-mil pesos nga kantidad sa mga illegal nga pabuto ang gisunog kagahapon sa Barangay Gusa ning syudad sa Cagayan de Oro.
Ang maong mga firecrackers ug pyrotechnics devices ang nakumpiska sa Task Force Firecrackers ug Regulatory and Complaint Board kon RCB niadtong Disyembre 31, 2018 sa Rotonda, Barangay Nazareth, palibot sa Cogon ug Puerto Public Market..
Kini gilangkuban sa 30 packs sa 2000 rounds Judas Belt / Sawa ug lain-laing firecrackers ug pyrotechnics devices nga niabot sa 64 boxes nga walay Philippine Standard o PS Mark.
Ang pagsunog gisaksihan sa mga personahe sa RCB, Bureau of Fire Protection, PNP COCPO sa pagpanguna ni SPO2 Bryan Labitad, Explosive and Ordnance Division, CMFC, PNP RCSU 10 sa pagpangulo ni Police Sr. Insp. Roque Neri, City Engineering Office ug City Disaster Risk Reduction Management Department.
