BACOLOD CITY – Ginpa-blotter sang isa ka negosyante ang barangay kapitan sang Brgy. 38 diri sa ciudad sang Bacolod kahapon sa reklamo nga ini ang naga-abuso sang iya utoridad ukon poder.
Nakilala ang complainant nga si Vienna Relampagos, 37 anyos ang edad, residente sang Purok Sampaguita, Brgy. 38, Bacolod City.
Suno kay Relampagos nga may mg alas 9:45 kahapon sang aga, si Brgy. 38 Punong Barangay Agpalo upod ang iban pa nga mga barangay officials ang nagkadto sa iya balaligyaan kag nagbuko nga ini ang i-demolish.
Reklamo ni Relampagos nga wala sang due process ang ginhimo sang grupo ni Agpalo nga pag-paguba sang iya tindahan kag ila pa gina-abuso ang ila utoridad.
Wala pa nakahatag sang iya komento ang Kapitan sa sini nga reklamo. /dyHB BACOLOD
