BACOLOD CITY- Ginapasalig sang punong barangay sang Brgy. 12 nga wala na sang magatuhaw nga drug den sa Bacolod Vendors Plaza.
Ini ang pasalig ni Punong Barangay JR Alcantara matapos nga gin-dismantle na sang City Legal Office ang drug den nga ginhimo sa idalom sang mga tapangko sa diin walo ka mga indibidwal ang nadakpan sang Philippine Drug Enforcement Agency (PDEA) nagligad nga adlaw.
Pasalig ni Alcantara, siya na mismo kag iya mga barangay tanod ang magabantay sa Vendors Plaza agod indi na makabalik ang mga durugista. Kadungan sini, ginahingyo man sang opisyal sa city government nga kuntani butangan man sang pulis ang istruktura.
Nahibaluan nga ang city government ang nagapalakat sang Vendors Plaza sa diin pila sa nagabaligya sa lugar amo ang mga manugbaligya nga naapektuhan sang road clearing operations sa downtown area.
[image: image.png]
