CAUAYAN – Pilason naman ang Barangay Kapitan sang Basak matapos ini ang naluthangan sang mga otoridad sa isa ka pagpatuman sang search warrant las 12:30 kaina sang udto.
Igo sa iya wala nga kamot ang kapitan nga nakilala kay Teodorico Dulla sang Purok 2 sang natiruhan ini sang mga operatiba sang Criminal Investigation and Detection Group (CIDG).
Sa imbestigasyon sang Cauayan PNP, may bitbit nga M16 armalite rifle paguwa sa iya balay ang Kapitan sang nakit-an nya nga nag-abot ang mga operatiba.
Amu ini ang rason kon ngaa nga gintiro nila ang ang kamot sang Kapitan sa pagpati nga basi sila pa ang unahan.
Narecover sa amu nga search ang isa ka M16 Elisco rifle, magasin kag bala lakip man ang isa ka shotgun, .9mm ARMS-COR kag bala lakip man tatlo ka bandolier.
Ang search warrant ang gin-issue ni Judge Conrado Estreller Jr., presiding judge sang MTC Cauayan.
Wala pa nakahatag sang iya reaction si Kapitan sa sini nga hitabo.
