Kapitan Trajera motuman sa mando sa LGU Davao ugaling maapektohan sa reclamation project

Davao City – Wala pa nakadawat og impormasyon ang Barangay Council sa Barangay 76-A, ning syudad kalabot sa reclamation project nga ipatuman sa City Government of Davao.

Sa interview sa DXDC RMN Davao kang Barangay 76-A Kapitan Rolando Trajera ugaling maapektohan ang iyang barangay mangita sila og pamaagi alang sa kabalhinan sa ilang barangay hall.

Gidugang ni Trajera nga andam sab kini magpahibalo sa iyang mga residente nga maapektohan sa maong proyekto sa gobyerno.

“Sa karon wala paman mi giingnan. Wala pamay abiso nga papahawaon tong mga maigo. Mangita mi og pamaagi kung asa namo ibutang ang Barangay Hall. Walay problema (kay) gobyerno man gihapon ang mangita og pamaagi,” sulti ni Trajera.

Kaninumdoman niadtong adlaw Myerkules, Enero 25,2023 pirmado na ang Memorandum of Understanding ni Davao City Mayor Sebastian ‘Baste’ Duterte uban ang mga represEntante gikan sa Philippine Reclamation Authority.

Tumong sa proyekto mao ang pag-reclaim ug develop sa kapin kon kulang 57 ka ektarya subay sa reclaimable areas nga gilakip sa Davao City Coastal Road Project.

RadyoMaN Don Pulayao